ISHATHA YEMIHAMBO LEFANELE
Silewele libhuluho lemlandvo, sancoba kungalingani nekungevani saba ngummango logcile ekubeni sive sinye lesiphokophele kulingana. Sibuketa tindlela nemasiko lehlukahlukene lasifikise enkhululekweni nasembusweni wentsandvo yelinyenti, futsi sitibophelele kuleyo micondvo nemihambo lelungile lesihlanganisako ekwehlukahlukaneni kwetfu.
Kuko lokutibophelela ngekufanana, lokuvela emzabalazweni, lokutinikela ekwelapheni tilondza tayitolo, kucinisa kubaluleka nesitfunti sawonkhe wonkhe, kanye nekuphokophela kuvikeleka kwenhlalakahle netintfo tebantfu betfu, siyafunga kutsi, sitawuvikela futsi sibambelele emihambeni lakhona. Senta njalo ngekubona kutsi likusasa letfu lincike ekuvikeleni indzawo yetfu nenhlalakahle yabo bonkhe labahlala ngekhatsi kwemincele yetfu, labahlala kuleLivekati lase-Afrika futsi labenta incenye yalomndeni lobanti wetive.
Ngekutibophelela kulomoya Webuntfu, losisekelo sembuso wentsandvo yelinyenti futsi lombelwe wajula kumtsetfosisekelo wetfu, sitibophelele njengesive:
EkuHlonipheni Sitfunti nekuLingana kweBuntfu
UMtsetfosisekelo wetfu ucinisa kutsi bantfu batelwe bakhululekile futsi banesitfunti ngekulingana.
Sitibophelela:
Ekuhlonipheni kubakhona kwebantfu, ngekunganaki umphakatsi labaphuma kuwo, buhlanga, bulili, budzala, sigaba kanye nebunjinga/buphuya.
Ekulweni nekuhlushwa kwabomake ngekwemtimba nangekwemiva lokugcinela ekudlwengulweni nakuletinye tinhlobo tekuhlukebetwa.
Ekucedzeni nya kuhlukubetwa kwebantfwana lokubangwa kungondleki kahle, kucashwa kwebantfwana, kutfutsetelwa kwetidzakamiva, imibhalo lekhombisa ngalokusobala tindlela tekuya emacansini kanye nebufebe.
Ekunakekeleni bonkhe lababutsakatsaka nalabavimbelekile: labaphuyile, labakhulile, labakhubatekile, nabo bonkhe labangakhoni kutinakekela.
Ekuphikisaneni nalo lonkhe luhlobo lwekuhlukubetwa ngekwemtimba, luvelomiva, kanye/nobe ngekwengcondvo nobe kuphatfwa kabi kwalomunye umuntfu.
Ekuncobeni kuhlukubetwa ngekwetigaba tebantfu, imihambo, buhlanga, bulili emasiko, tekuya emancansini, simo setemphilo, nobe emasiko labangela kubandlululana.
Ekusebenteleni kuvikeleka ngekwemtimba nekuvikela bonkhe bantfu.
Ekutfutfukiseni Inkhululeko, Imibandzela yeMtsetfo neMbuso wentsandvo yelinyenti
Kukhululeka kwemuntfu ngamunye kulombandzela wemtsetfo kusicalo sebulungiswa, kwenta kahle, kwakha sive nekubusa kahle.
Sitibophelela:
Ekuvumeleni inkhululeko yekutetfula, kuhlangana nalabanye, kuhamba, kubasakhamuti, yekukholelwa, yekuba nemibono neyenkholo.
Ekubeni nengcondvo yekutibophelela kutetenhlalo ngekuhlonipha umbandzela wemtsetfo, kwetsembeka, kusebenta kamatima nemazingancane enkambo lelungile.
Ekulweni nebugebengu, kukhohlwakala neludlame.
Ekwetamani kwakha lubumbano lwavelonkhe nekungahlukaniseki kwe Riphabliki.
Ekwenteni kancono buhle beTintfo letiphatsekako neBulungiswa beTemnotfo
Emalungelo etfu etemnotfo layincenye yeMtsetfosisekelo afanele abonakale ngetulu kwekuba ngemalungelo lavusa lusinga nje. Inchubomgomo netinhlelo tidzingakala ekuniketeni labaphuyile ematfuba ekuzuza sitfunti sebuntfu nebukahle netintfo.
Sitibophelela:
??????Ekuncobeni kungalingani lokujulile kwayitolo nekwalamuhla, kanye nekutfutfukisa ematfuba awonkhe wonkhe ekwabelana imicebo yelive letfu.
???????? Ekumelaneni nekuphanga, bugovu nekutindlondlobalisa ngalokungafaneli ngato tonkhe tikhatsi.
???????? Ekuncobeni kukhohlwakala, nobe ngabe kubangelwa kutizuzela, kungetsembeki, kukhetsa, umkhuba wekufunela bakini tikhundla emsebentini nobe letinye timbangela.?
??????? ?Ekwenteni kutsi kube khona kubeka sobala kuhulumende nakumisebenti ngetikhatsi letitsite, kutfolakale lwati lolungilo lwako konkhe lokutsintsa imphilo yesive.?
???????? Ekucinisekiseni kukhona nekuphatsa ngalokufanele nekwenta temsebenti letiba ngumphumela wesisekelo lesibanti sekumelela buhlanga nebulili.
Ekutfutfukiseni Imihambo Yemindeni neMphakatsi
Umndeni neMphakatsi titfo letiyinkhaba yetekutsintsana letivusa lusinga tiphindze takhe similo nemihambo yenkambo lenhle emphakatsini.
Sitibophelela:
Ekutfutfukiseni imihambo yemindeni, kwetsembeka, kutibophelela, kuhlonipha batali nalabadzala, kukhulisa bantfwana, kweseka labadzala, kanye nekutfutfukisa nekulungisa likhaya lemndeni.
Ekulweni nebudlova bemakhaya nekuyekelela tibopho temndeni, nobe ngenca yekusebentisa budlabha tidzakamiva, tinkholelo temasiko nobe kubandlulula ngebulili.
Ekwakheni umndeni nobe ummango lotfutfukisa kunakekelwa, kulunga nebukhukhulelangoco bemasiko.
Ekusebentiseni imitfombolwati ngalokufanele nalokulinganako kute kuzuze onkhe emalunga emndeni newemmango.
Kuzuzisa labanye nakitsi futsi ngekutitfutfukisa nekutfola emakhono.
Ekuciniseni kweTsembeka, kubaneLiciniso neBucotfo
Kwetsemba, kubaneliciniso nebucotfo ngemhambo labalulekile embuso wentsandvo yelinyenti nekubusa ngalokufanele.
Sitibophelela:
Ekuchumaneni ngekweliciniso, ngalokusobala nangekwetsembeka.
Ekutfutfukiseni nekukhutsata budlelwano lobuhle, kwetsembana bubili nekuphilisana kutenhlalo nekwehlukana ngekwemlandvo lekutimphawu letikhombisa litolo.
Ekusebentiseni tebulungiswa kujezisa tonkhe tinhlobo tekweba, kuphanga kwebugebengu, kudiza, kungetsembeki nekusebentisa kabi.
Ekucinisekiseni kuThula eMasikweni, eNkholweni naKunembeza
Kwehlukahlukana ngekwebuhlanga nekwetinhlobo tebantfu kwaseNingizimu Afrika kunemandla ekuvusa lusinga nekundlondlobalisa lisiko, indlela yemagugu langengenta emagugu lakuleShatha achubekele embili.
Sitibophelela:
Ekutfutfukiseni inkhululeko yanembeza, kutfobela tenkholo nekwemukela imicabango lehlukene ngaphandle kwekubandlula nobe kukhetsa.
Ekutfutfukiseni kuticabangela ngalokujulile ngekutimela nekudlala indzima kutinkhulumomphikiswano.
Ekutfutfukiseni kuhlonipha tinkholelo imihambo yalabanye.
Ekutfutfukiseni lilungelo letakhamiti tonkhe lekutsi tetfule imibono yato ngekukhululeka, tingesabi kujeziswa, kwesatjiswa nobe kuhlushwa
Ekumelaneni nalo lonkhe luhlobo lwelubandlululo, nobe ngumuntfu munye, inkapani, ngekuba lilunga nobe inhlangano lebukela phasi titfunti talabanye bantfu.
Ekutfutfukiseni ematfuba lalinganako ebantfu bonkhe lokufaka ekhatsi bantfu labakhubatekile nalabo labaphetfwe yiHIV / Aids naletinye tinhlobo tetifo.
EkuHlonipheni nekuba neNdzaba nabo bonkhe Bantfu
Kuhlonipha, nekuba nendzaba kucuketfwe kulemihahambo labalulekile leluphawu lwebantfu baseNingizimu Afrika. Siyabona kutsi ngeke kube nekuthula nobe kuvikeleka ngaphandle kwenhlonipho nekunakekela.
Sitibophelela:
Ekutitsibeni ekusebentiseni inhlamba nemagama lahlukubetako uma sihlangene sichumana nalabanye
Ekutfutfukisenni kuthula, bungani, kubeketelelana nebunye bavelonkhe kutemasiko, tenkholo nemimango yetilwimi.
Ehlonipheni wonkhe muntfu nemacembu emmango.
Ekhutsaleleni Bulungiswa, Kulunga nekuPhilisana ngekuThula
Kuphilisana ngekuthula kudzinga bulungiswa, kulunga nekuhloniphana bubili njengesisekelo sekucolelana nekubuyisana kwesive. Kwelapheka elubandlulweni nasekwehlukaneni kwayitolo kuyadzingeka kucinisekisa kwatisa emagugu entsandvo yelinyenti, bulungiswa betenhlalo, nemalungelo eluntfu lasisekelo awonkhe wonkhe
Sitibophelela:
Ekulweni nebudlova nebuluhlata ngekuhlonipha nekuvisa .
Ekumelaneni nebantfu ngamunye nemacembu lafuna kuphatamisa kuthula, kusimama nekuvikeleka kwesive ngekubandlululwa nanobe ngekwetento letingesito tentsandvo yelinyenti.
Ekuniketeni tinsita tetenhlalo naletinye ngalokuphelele, lokulungile, lokulingene nalokungenalubandlululo kuwo wonkhe muntfu.
Kukhumbula butsa nelubandlululo lokutimphawu telimuva letfu, sicaphela simo setenhlalo lesihluma kulombuso wentsandvo yelinyenti lomusha. Loku kudzinga kuciniseka kwemazingancane emihambo lafanele langalangatelelwa ngito tonkhe takhamiti taseNingizimu Afrika letinekuthula njengesisekelo sekufinyelela kulabanye ngemoya lowenta kubekhona sive setfu ? lowati kutsi iNingizimu Afrika yabo bonkhe labahlala kuyo.
